( بائعة الاقلام )
مين يشترى قلمى تعالى يا مدام
مين يشترى قلمى ويكتب بيه
اقلام بتكتب ما تكدب
تعالى يا بيه
مين يشترى المى
بروحى افديه
قلم اخضر بلون قلبى وروحى كمان
قلم ازرق بلون الوحدة والحرمان
قلم اسود بلون قلوبكم القاسية
وقلم منافق بيكتب كافة الالوان
ياللى نسيتونى
وكأنى ما جيت
ضحكتوا من فرحكوا
ووحدى بكيت
يالى سرقتوا طفولتى وافراحى
نايمين فى بحر الدفا
وانا صاحى
تصحوا من الاحلام تلاقونى قدامكم
ترمولى فكة جيوبكم
وتاخدوا اقلامكم
وكأنى غير موجود
وكأنى كائن غريب
انا اغنى منكم وربى رازقنى
لو فية عدالةبجد فى بلادى
يا اغنياء البلد
اطالب باعدامكم
رشاد الدهشورى
ليست هناك تعليقات:
إرسال تعليق