فى شباكك بقيتنى يمام
بقيت قمرى
بنظرة حبى تحيينى
اسلم لك قوام امرى
فى موج بحرك اخدتينى
سهام حبك بترمينى
بتقتلنى وتحيينى
ياطاويانى كما كتابك
يارينى كتاب
على صدرك تضمينى
كتاب حواديت اسليكى
تضمينى يا نور عينى
مع عنبك ورمانك
واعيش العمر كالعصفور
ارفرف تحت اغصانك
تعالى نعيش على طريقى
على طريقة الشعرا
نحقق كافة الاحلام
وم نأجل حاجة لبكره
يا موت سيبنى كمان لو يوم
اضمة فى حضنى لو لحظة
مشممكن اموت محروم
يا موت سيبنى
لجل ما اقول لها الكلمة
لجل مانورها يوعدنى
وتسعدنى
تخضر ارضها ارضى
ويعشق صدرها فرضى
ساعتها لو اموت
اموت مرضى
تعالى نعيش
تعالى نور لايامى
تعالى نرسم الاحلام
ونسرق ضحكة الايام
تعالى نزرع الدنيا زهور وورود
تعالى نكسر الاحزان
نكبر حبنا المولود
ما فيش مانع هيمنعنا
ولا بيننا جسور وسدود
انا وانتى
روح واحدة
جسد واحد
هنتقابل ونتواحد
ويشهد ربنا الواحد
بحبك مووووووووووت
فى همس الليل يدوب الويل
والاقى صورتك الحلوة
بتملا الدنيا بالتفاصيل
ولحظة حب ..يدوب القلب
وتبقى الدنيا جد ولعب
داحبك ضو..ينور قلبى وعيونى
تعالى نروح
مكان مفتوح .
سوى ونبوح باجمل سر
ونطوى كتاب ليالى الشوق
ونرسى لبر
وننسى الاة..
وبعد الاه نقول الله
وان غاب بكرة نستناه
تعالى نعيش فى احلى حياه.
بقلم
.رشاد الدهشورى
ليست هناك تعليقات:
إرسال تعليق