( همسات )*** بقلم الشاعر ... سيد بدره

قصيده بعنوان
((همسات))
شعر
سيد بدره

بحبك ..
شوق مدفيني
بحبك ..
شئ مخليني
انآاااام ....علي زكري
ترويني ..
تصحيني ..تناديني
تعالي نحب
علي قلبي ... نسيم الليل
بيهمس من كﻻم الحب
خدودك همسه مرسومه
تداوي القلب
شفايفك ...
غنوه مكتوبه
علي سطرين
من اللؤلؤ . ..
من المرجان ..
بتطلب م النهار
توبه
وتسرق بسمه الاحزان
وشعرك ع الخدود
طاير ... .وانا حاير
مابين البعد ..والحرمان
يا ضحكه ف ليله منسيه
يا دوحه في جنه الرحمن
رموشك شبكه مرميه
تصحي نومه النعسان
وباندهلك ..
وانا تايه ...مابين البحر
والشطآن ..
أبص بعيني واندهلك
تعالي .... وافردي ايدك
وضميني ....وحبيني
تعالي ليه تخليني
اناديكي
تعالي ليه تعانديني
حبيبك ... جاي يداويكي
تعالي .. وارسي علي بري
علي قدك
تعالي .... وارسمي الضحكه
علي خدك
ونادي معايا .... علي بكره
وبين يدك
شموع ..الفرح .. بتنور ف سكتنا
نوريلها .. طريق بيتنا
ونرسم بكره فوق مشوار بدايتنا
بشوقنا نرسم البسمه
نداوي الحب بالهمسه
ونرمي خوفنا ف امبارح
ونحلم .. بالامل طارح
ف خطوتنا
ونرحل عن .. عيون الناس
لتجرحنا
نداوي بالهوي جروحنا
ونشكيله أهات بوحنا
نجاور .. نجمه ف العالي
نحقق .. حلمنا الغالي
وعش الحب ... يجمعنا
ولما ... ادينا تتقابل
مانصدق مسامعنا
ولو نادي علينا
الهمس وقمرنا
ولو خبط هانفتحله
عشان يسكن دفا دارنا
نخلي ...... لقانا له معني
ونور قناديل ... وننسي الويل
مع همسات .... نسبم الليل