لو كلامي غلط لازم تقول
انتهي زمن الشعر ومات الشاعر واتمليت المجلات بكلام فاتر
لو دورت علي البحر الوافر مش هتلاقي غير كلام تافه وعابر
لو دورت علي كلام موزون هتتعب من كثر الهبل والجنون
القصيده ضاعت من عدة قرون تاهت بعد عمي كل العيون
كنت اتمني تكتب في المضمون ولزوق و جمال الكلمة تصون
تكتب عن غربتك وتحكي للناس قصتك وتعلمنا من حكمتك
تكتب عن محبتك وتوصف للناس دنيتك او توصف فرحتك
ممكن تكتب منشور ومن كلامك توصف الجنة وبنات الحور
نتعلم معني النور نتعلم العلم في سطور نتعلم الجر والمجرور
وتحررنا من ظلام القبور من غير ماتلف علينا او حتي تدور
الشاعر كان زمان من سكان القصور والنهارده مات مقهور
بنصارع عاوزين نرضي الجمهور لكن لسه واقفين جوا طابور
الحرف انتهي بات مهجور والناس خلاص زهقت من كل منشور
الشعر بقي كلام مبتور من بعد ماكان بيفوح منه عبير الزهور
كل شاعر فينا مسؤل عن كل كلمة و حرف بيكتب فيه ويقول
الشاعر لازم يعرف الاصول عشان ترجع اللغة تنور العقول
ولا كلامي غلط ومبني للمجهول ولو كلامي غلط لازم تقول
الشاعر/ مدحت فضل
ليست هناك تعليقات:
إرسال تعليق