(انا بنت مين )*** بقلم الشاعر ... سيد بدره

شعر عاميه
بعنوان
انا بنت مين

شعر
سيد بدره

ف دماغي ...
ميت مليون سؤال . ..؟؟؟
وهمومي موزونه بجبال
قولت احتمال
ان اﻵمال ...
موؤده في أرض ..المحال
صبحت حقيقه مقدره
ماأنا اصلي ...لسه صغيره
أول سؤال ..؟
ليه الحيااااااه متغيره
يا هل تري ... ؟؟؟
أنا ...صاحيه من حلمي
والا سكنت المقبره
اﻷرض خضره
تحت مني
وياريت خضارها يكون حقيقي
دالخوف .. صديقي
والحزن ..عشش في طرقي
بللت ريقي
وشربت م الملح .. العطش
واللي بطش ...
يشرب ف ميه مقطره
تاني سؤال ..
انا سني كام .. ؟؟؟
عديت علي إيدي اليمين
طرح السنين
دول خمسه بس ...المكتوبين
يمكن اقل ... حبه صغيرين
والموجودين ...
.انا عشتهم ...... خمسين
في عذاب وويل
وجراح ... وأشواق مأسورين
تالت سؤال
طب بابا فين ؟؟؟؟
ومامتي مش عارفاها فين
يمكن دا حلم
وأما أصحي . !!!!
هايمدوا .. الايدين ..
وألا دا علم .. !!!
ويكونوا ..جوه
برواز .. .. مكسورين
ييجي الدمار .. يمحي الخضار
يسرق من اﻻرض العمار
ووحوش ولابسه .
الف وش مستعار
وآهات ... وصوت طلقات
وخوف و جحيم . ونار
مش شايفه غير
ضلمه وناااااااااار
الرحمه فين ....يا مسلمين
وطريقي سكه مكسره
انا اصلي لسه صغيره
رابع سؤال...خامس سؤال
مليون سؤال
أنا بنت مين
يمكن اكون .. انا بنت سوريا
أنا. بنت دجله والفرات
آنا ينت ..اليمن الحزين
واﻷ أمي تبقي
ارض كنعان الضنين
يمكن اكون .... بنت الوطن
قرب يا ليل النهنهبه
دانا بنت .. تايهه ف سنها
اسمي نهي .. قرب كمان وداوي فيه التهتهه
إسرقني خدني
واسكن ف حضني
وإوعدني .... قولي
انا بنت مين
اصل السعاده قصيره
وانا اصلي لسه صغيره 

..سيد بدره