(ما تصقفوش )
قولو لى ليه
بتصقفوا
عريس واتجوز عروسه غصب عنها
تصقفوا
عويل بيهرتل فى الكلام وتصقفوا
وف مجلس التهيس
برضة تصقفوا
قانون عبيط
يا شعب عاشق جلادينه
الجوع مسح مخه الطخين
وعشان رغيف.يتسب دينه
وحتى بعض مثقفينه
بيصقفوا
ولما بشوفوا الشيكات
الخرس فيهم يهتفوا
اة يا بلد
الطيبين فيها اختفوا
والخوافين
من شدة الخوف انكفوا
واللى راكبين عا الكتاف
واللى ماسكين اللجام
زى الغسيل الوسخ
ولا حتى بالنار ينضفوا
ماتصقفوش
ما تفكروش انى شاعر
انا زيكم
تايه مابين امواج مشاعر
انا قلبى مات م الخوف
ولسانى بعافر
انا مش نبى
ولانى كافر
بحب بلدى السمرا
مووووووووووووت
بس الحب لقلبى كاسر
درعاتى كلت من عزيق الارض
والشمس اللى بتخربش
ف وشى بالضوافر
انا زيكم
انسان بسيط
انسان وسط
لا راسى طايلة السما
ولا رجلى لامسة الارض
عارف حدودى
فى الفرض او فى الارض
انسان وسط
اخطف من بحور الهم
نسمة ابتسام
راضى بقسمة ربنا من غير سخط
ولما اشوف ابتسامة طفل
صدرى ينبسط
فية ناس تقول انى طيب
وناس تانين يوصمونى بالعبيط
يا شعب اعمى
مفتحين سرقوا عصاتة
يا شعب عاشق كدابينة و رقصاتة
الكدابين
ومدعى النخبة
باعوة ورقصوا يوم وفاتة
وياريت كدا وبس
الاكادة
بيزورواقصة حياتة
بيصوروناللغريب حبة غجر
بركان مياعة وانفجر
واحنا التاريخ يشهد لنا
احنا اللى شيدناالحضارة
احنا اهل الفن واهل العمارة
والامارة
اسئلوا عنا الحجر
انا مش ملااك
انا فكرت كتير غلط
انا صاحبت الفاس سنين وسنين
وسفيت رمل وزلط
انا زيكم واحد من الفقرا
يا شعب غفلان
لابيكتب ولا بيقرا
بحلم ببكرا
بحلم لكم
وحلمى هو حلمكم
بحلم بيبت
بحلم اجوز البنات
بحلم ازور قبر النبى
اطوف واحج
لكن اللصوص ماسابوا حاجة فى البلد
والظلم اصبح شكلة فج
خلونى احلم بس اهج
واسيبلهم كل البلد
انا عشت طول العمر ساكت
ما تصقفوش
انتوا اللى شجعتوا الوحوش
ماتصقفوش
دى كفوفكم لطم على الوشوش
يا شعب جدة مصقفاتى
يا شعب لازق فى الكنب
تحت اللحاف
متصقفوش
انا مشهخاف
وهعلى صوتى بالهتاف
هسهر فى ليلكو ا مسحراتى
هخبط بقلمى ع البيبان
واسقى العطاشى من حياتى
يا شعب قوم
واعلنها صوم
صوت الادان لازم يواتى
متصقفوش
وما تخافوش
زهقت من كتر الكلام
مخبول بهاتى
فقرى وفقران طول حياتى
ايه ياخد الريح م البلاط
ما حيلتى غير كلماتى
ماتصقفوش
رشاد الدهشورى
امتنانى وتقديرى لاابداعكم الراقى وعطاؤكم المستمر
ردحذف