يافارس الاحلام*** بقلم ...شيماء عبدالله

..يافارس الاحلام.....
فى يوم هتيجى يافارس الاحلام
وتاخدنى على حصانك
وتسامعنى عشق وغرام
وتشدنى للاحضانك
بطلت اكل اشرب انام
من شوقى لانتظارك
وتقولى احلى كلام
وابقا حافظه اسرارك
وتبقا هطير من الفرحه
لما الكلمه الحلوه اسمعهالك
تقولى ع امتا البسك الفستان والطرحه
وتيجى بيتى تملى دارك
ولو فى يوم زعلت اقول انا مالى
انا زعلانه منك كتير
تجيب ورده وتقد مهالى
وتقولى على مين بس اغير
واقول ده حبيبى طول بعرض
دا حبيبى اللى ع قلبى الغالى
وبيصلى فرض بفرض
ويقول يارب دى حبيبتى خليهالى
وما يبقا بينا ابدا فراق
يارب انت عالم بطيبتى
ونكون زى اول لقاء
انا حبيبها وهيا حبيبتى
على امتا تيجى بس واكون حبيبتك
مهما طالت السنين
على الحلوه والمره قاسمتك
ونكون لسما الحب نجمتين
ده علشانك قلبى خالى
واخلاصى ليك واصل للوريد
لاجلك يافارس احلامى
تدخل قلبى وانتا الاول والوحيد
الشاعره \شيماء عبدالله