بحووور الشعر *** بقلم ...سلوي عبد الفتاح نصرالدين

((( بحووور الشعر )))

 

غوصة في بحور الشعر ....
ما شوفت ولا سمكة !!!

طلعت عروسة البحر....
وقالت لي يا سلوي...

شوبيكي لوبيكي انا ملك ايديكي..
من غير صنارة يا حلوة ولا شبكه..

قولت لها يالا اشرحي لي.
سيجال ووزن وقافية..

صحيح انا شاعرة...
بس بالعافيه...

دخلت بين العمالقه...
نفسي اكون منهم ..

واكتب كلام موزون...
يعجب يسلطانهم..

يا عروسة يالا اشرحي لي .
لكن بحنيه

الشعر فيه كام بحر ؟
بشويش كدا عليا .

لا تمسكي لي عصايه ..
ولا توجعي أيديا ..

ازاي انظم قصيدة ؟
وإزاي أواسي برثاء ؟

وإزاي اختم كلامي كله بحرف الياء ؟؟
وإزاي امدح وزير ولا يتحسب لي رياء ؟؟
أرجوكي يالا اشرحي لي النقد لاذع عليا

وانا دمعتي قريبه .
ع الرمش مستنية ..

يادوب اضم جفوني ...
تنزل بحووور وبحووور ....

وارجع اغوووص في بحور..
الشعر وعنيا...
---------------
بقلم الشاعرة 

سلوي عبد الفتاح نصرالدين