(حلم الرجوع )*** بقلم الشاعر ...سيد بدره

اغنيه بعنوان
حلم الرجوع
شعر
سيد بدره

وإتكسرت ....!!!
كل السكك بعدك
مابقتش انا .....
قادر علي بعدك
دي الفرقه ..ليل
مشواااار طويل
قسوه وويل
مافضلش غير
الحزن من بعدك
وإتكسرت كل السكك بعدك
......
هيه البيوت ....سكنانا ؟؟؟
واﻻ إحنا .. سكنينها !!!
وألا . الهموم .... جوانا
ف الغربه عايشينها !!
عاشقه الجراح ..قلبنا
والسكه ماشيينها
راضيين علي همها
راضيين وراضينها
يادنيا كلك اسي
واللي بيعطي اتنسي
دا الخوف ف دوسك رسي
ماتمشي علي قدك
واتكسرت كل السكك بعدك !!
.........
علي فين يا دنيا
الخطوه وخداني ..!!
شاربه الخدود دمعتي
ف طريقي وحداني
زهرة شبابي إنطفت
عايش ف حرماني
غرقان ف همي
والضحكه علي خدك
يا سنين شبابي
ما تحسي بعذابي
والفرح غايب ليه
ما دق علب بابي
زرعت في خطوتي
بساتين ﻷحبابي
مالقتش غير الشوك ..!!
والورد في يدك
واتكسرت ....!!!
كل السكك بعدك
ياما نفسي ادوس
علي سكة اﻷقدار
وأفرش طريق اﻷمل
ورد وربيع ونهار
وأﻻقي يوم سكتك
مفرشه باﻷزهار
وطريق ومش مكسور
ساكن حدوده النور
أشجار ورا أشجار
دا القرب كان وعدك
واتكسرت ...!!!
كل الطرق بعدك
مابقتش انا
قادر علي بعدك
مشوار طويل
مفضلش غير
الحزن من بعدك .. !!

بقلم 

........ سيد بدره ....