الخميس، 25 فبراير 2016

( صبح على مصر )*** بقلم الشاعر ...آسر فاروق طرباى

#‏صبح_علي_مصر‬
صبح علي مصر ولو بجنيه
أوعاك تبخل علي مصر يا بيه
دي يوماتي محتاجة لطلة
وصباحك ليها شوف يعمل إيه
يسعدها يخليها تمام
ينقلها خطوة لقدام
ويخفف عنها المعاناه
ويحقق ليها الأحلام
يجعلها دايما مبسوطة
وتفك عينيها المربوطة
وتفوق لولادها وحبايبها
وتصحح صورة مغلوطة
صبح علي أمك برسالة
إنت وولادك الرجالة
وبناتك ومراتك طبعا
ما أهي أم الكل الشيالة
كلم لحبايبك واصحابك
وأدعي لأحفادك وجيرانك
إن كانوا بره أو جوه
شارك وأتحدي لحسادك
بجنيهك هنلم كتير
ونساعد سوا في التغيير
ده جنيه وجنيه يبقوا اتنين
خليك سباق بالتذكير
نتعاهد أنا وأنت وهيه
صباحنا يوماتي علي بهيه
برسالة ولا يوم نتأخر
شعبنا والله ميه لميه
إهداء من شاعر الوطن
آسر فاروق طرباي
صبح علي مصربجنيه كل يوم
علي رقم 1333
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)