( أتمنيتك )*** بقلم الشاعر ... أحمد المصرى

كلمات أحمد المصرى

من كتر ما اتمنيتك
دورت عليك عمرى ولقيتك
وبكل حنانى ياحبيبى حبيتك
عشقت بجنون وروحى هويتك
يا احلى هديه من ربنا
دوقت معاك طعم الهنا
بعد الحيره والعذاب والشقا
وعشرة ناس حبهم هوا
لحد ما أن الأوان
حسيت وياك بالأمان
حبيت فيك الإنسان
ملاك للرحمه والحنان

علمتنى حكمه الأيام
مفيش حياه بلا غرام
والحياه محبه وسلام
والعشق هو عشق الحمام

علمتنى معنى الوفا
والحب انت وانا
وبالإخلاص معنا ربنا
نعلم البشر سر الهنا