خواطر بعنوان
( ناس وناس )
عمر الكلام ماهيخلص ... والا الحديث هيبور
فى ناس تحب وتكره ... وناس تعيش فى الدور
وناس تحط جسور ... وناس تشع سرور
ناس زى الجواهر ... وناس زجاج مكسور
ناس حياتها بسيطة ..وناس آجارك الله
ناس تولع نار ... وناس تجيب العار
ولسان سليط بتار ..فيه هلاك ودمار
ناس تشارك ناس ...وناس قلوبها عمار
ناس توقف مراكب ..عايزة خراب ومرار
ناس وشوشها بتضحك ..وناس تشوف بكار
وناس بتهوى الفتن .. زى الهشيم فى النار
كله بيفكر فى حياته .. وصراع مع الاشرار
قلوب جميلة تولف ..ونصيحة بدون اضرار
ناس تجيب هم وغم ..وناس تحقد وتغتاب وتنم
ونفوس طابعها الجودو الكرم ..فيها الصفا والخير بيعم
شوفت الجمال وعرفته اه ..والحب بكره يعود وياه
بين الجماد والبشر البشر ...ورب العباد موجودفى علاه
قادر يخلى حياتنا كريمة .. امان وخير من غير شر
الماضى راح وانا شفته ..فيه الا لم والجوروالمر
ناس وناس وناس وناس. ده مبسوط وده منداس
وده بيصرف وده محتاس .. وده بيشكر وده هلاس
ربك كبير يافتى .... قادر يصفى صدور
وبعد العذاب والضنى ..الضلمة تصبح نور
ثقتى فى ربى قوية .. وكله جاى بالدور
اصبر هتتحل القضية .. ربك كريم وغفور
بقلم / محمد عباس معلم الاسماعيلية
ليست هناك تعليقات:
إرسال تعليق