( الحل بين الساروت ؤ لقفل )
ملاحضة : القراء الأعزاء بعد التحية والسلام أتمنى أن
تقرؤوا هذا الزجل كاملا وبإمعانلانه يحمل أكثر من دلالة
قاموسكم هو إشراك الأقارب الأكبر سنا لأن الكلمات مستوحات
من البادية وشكرا.
رسمت ؤ سرت،...
وعدت ؤ تقت،...
نصحتيني ؤ سمعت،...
امرتيني ؤ خضعت،...
تعبت ؤ سهرت،...
ربيتي ؤ ضعت،...
هجرتي ؤ سكتت،...
شفتي فيا ؤ فهمت،...
خطبتي ؤ انا رفضت،...
حلمت ؤ انا قننت،...
تهنيتي ؤ انا حرت،...
وصلت ؤ أنا فشلت،...
قلت هادي حياتي ؤ لازم ليها نبدا،...
كاينة الطعمه ؤ ناقصني السدا،...
خشبي راشي ؤ عليه العمده،...
كيف تكون نيارة بلا قصبه؟...
ضحكات جده ؤ قالت :
ولدي فييين المرداك؟...
ديرو في جنبك هو باك،...
ؤ لازمك!..
.
سيد لمشط، ؤ لاله لمدره،...
بلاها ما كاين لا رفده ولا حدره،...
لحنينه، لحنييييينه!.
..
واش هذا زمان لمرداك؟...
شوفي العضاضه حداك،...
لحبيبه،...
هذا زمان الدراز،...
دومة ؤ عامر حب الغاز،...
حنين ؤ ولادوا عزاز،...
بعيد ؤ عينيه باز...
كل من تبعو فاز،...
ؤ لكل متغرب حاز،...
ؤ نسج حرير كأنو قز،...
للعديان، حز ؤ كرز،...
بقرتهم قربت تغرز،...
ؤ السفري من الحمضي تفرز،...
ؤ الفقير تعز،..........ؤ بزز.
منتصر ابراهيم
11 مارس 2016
ليست هناك تعليقات:
إرسال تعليق