عارفة*** بقلم ...وليد النميري

@@@عارفه@@@
أنا حاسس بيكي وبحبك ليا@
حاسس أنفاسك بتحوم حواليا@
رغم بعادك عني أنا شايفك @
سامع شعري تقوله شفايفك@
مهما حاولتي تداري عليا@
@عارفة@
أنا عارف إنك عايزة تقربي@
مني ولكنك دايما تهربي@
أنا حاسس بيكي وبمر ألامك@
لامس إحساسك بضياع أيامك@
ولا كنت أنا قاصد سهرك لياليا@
@عارفة@
مش عارف ليه أنا حاسس بيكي@
حاسس بمشاعرك وبلمس إيديكي@
وسط الزحمة أنا شايفك واقفه@
خايفة أشوفك طب ليه خايفة@
سيبي عنيكي تشوفها عنيا@
@عارفة@
وسط حروفي أنا سامع همسك@
وعارف إن إحساسي أنا لمسك@
مش عارف ليه خايفة من قربي@
وأنا شايف جوه ملامحك حبي@
ليه خايفة ليه من حبك ليا@
@عارفة@
سامع قلبك بينادي إسمي من غير ولا صوت@
عاشقة ملامحي ورسمي وعايشة في سكوت@
عارف إنك يوم هتجيني وبالحب تبوحي@
وقبل ماتيجي وتصارحيني أناحساكي روحي@
دانتي في الكون ده كل ماليا@
@عارفة@
مهما فكرتي إن أنا مش عارفك@
مهما راح تداري بقلبي أنا شايفك@
مش عارف ليه أنا حاسس طيفك@
بيقرب مني ويرجع يبعده خوفك @
رغم إن إنتي المعني جوه غنويا@
@عارفة@
تحياتي
وليد النميري