ليا غيرك مين*** بقلم...احمد صبري

ليا غيرك مين
احمد صبري

يا ام الشفايف شهد
والخد تفاحتين
شعرك ضفاير ورد
والليل جوه العنين
لو الف عمري وسنيني
الاقي زيك فين
بحبك بتوحشيني
ليا غيرك مين
-
ومين غيرك
من الدنيا يخبيني
ماليش غيرك
بقلبه وروحه يحميني
عشان كده انتي حبيبتي
رغم كل شيء حزين
مهما اخبي انتي حقيقتي
اللي عايشة من سنين
ليا غيرك مين
-
بحبك صح
ومهما كان كبير الجرح
بحبك عايشة جوايا
انتي زرعتي والطرح
شجر توتك مع عنبك
ونخلك ظلي وبحبك
عرفتي ازاي
ماليش غيرك
مفيش ف الدنيا
شيء تاني
انا قلبك
وتفكيرك
وانتي الحياه
علشاني
عشانك عمري وفداكي
روحي
انتي جوه العين
انساني ولا انساكي
بهواكي
وكلي حنين
ليا غيرك مين
-
يعني لو نبعد
اموت
ومش عايز حياه
بعدك
صرخ الفين صوت
قربك انا بتمناه
وعمري ليكي
ولوحدك
سلمت ليكي مصدقك
ديما قلبي محتاجلك
ديما عشانك
بعشقك
دا اقل كلام يتقال
يا فرحة في دنيا انين
يا اجمل م الجمال
يا غنوة للعاشقين
ليا
غيرك مين