( نظرة رومانسية )
البنت حليوة وعسليه
والواد أمور
ورماها بنظرة رومانسيه
وللخلف دور
قالت إلحقنى يا عنيه
أنا صابنى الدور
قالها ياروحى انا جايلك
راكب حنطور
وقابلت كتير من قبلك
وأنا واد مغرور
واتحايلوا عليا أناسبهم
وأعيش الدور
كتبولى ف ورقه عناوينهم
ورقم التليفون
وخرجت ف مره أقابلهم
وانا كلى سرور
ماعجبنى ولاوحده منهم
راجع مكسور
زعلان ع التورته اللى خدتها
بنت المأمور
وشيكولاته ماما اللى جابتها
لبنت الكتور
وانا راجع قولت ياواد حود
من جنب السور
وانا دوغرى اوى مش متعود
الف وادور
وفجأة لقيت الناس زحمه
وقفل المرور
لقيتها اميرة فى موكبها
وبنات الحور
ماشيين حواليها محوطينها
ودى بنت قصور
ورميتها بنظرة رومانسيه
وللخلف دور
نادت عليا ياحليوة انت
هات المهور
انا عاوزه دبله من فضه
وتبقى مستور
وهعيش معاك على حصيرة
لوآخر دور
وانت الأمور اللى غلبنى
من أول دور
وهعيش وياك بقيت عمرى
وبكل سرور
بقلم / عبدالفتاح التلبانى - المحامى
ليست هناك تعليقات:
إرسال تعليق