(سلام )
اول ما نبدى الكلام
نقول سلام
الفين صلاة على النبى
محمد بدر التمام
الصادق المهتدى
نبى الهدى والسلام
سلام بعشق وصفا
للى بيحبوا القلم
اللى بيغزلوا حروف الكلام
اللى بيعدوا النجوم
ويرفرفوا زى الحمام
الملايكة المخلصين
اللى دايبين م الالام
اللى بينادوا للقمر والشمس
الفين سلام
للنهار للنور
لكل قطرة ندى فوق الزهور بتام
للمسجد الاقصى الاسير
فى سجن الظلم والاجرام
الفين سلام
على الطفل اللى ثاير عا العدو ما ينام
على اب ضاعت اسرتة تحت الحطام
وبينضرب تحت الحزام
الفين سلام لكل غصن زيتون انكسر فى الشام
على ام مشروخ قلبها
وبتحلم تنام
الفين سلام يا سوريا الاسلام
يا رمل معجون بالجماجم والعظام
واللى فيكى ناس عظام
الفين سلام
على صرخة الشاب العفى تشق الظلام
رشاد الدهشورى
ليست هناك تعليقات:
إرسال تعليق