دى المشاعر مستحيله
تستخبى فى أى ليله
والليالى عطشانين
يرتووا بعيون كحيله
خطى فوق الموج ياحيله
هى نفس الذكريات
نهر قلبك كان فرات
كنتى مايه وكنتى زاد
وقت كنا محرومين
كان غرامك ألف كيله
خطى فوق الموج ياحيله
كنت بفرح لما أشوفك
وألقى روحى تروح لطيفك
وأسألك من غيرى خالك
ألقى ردك روحت فين
دا انت نور العين يا نيله
خطى فوق الموج يا حيله
كنا نتسابق سعات
كنا نضحك ع اللى فات
كنا نحلم وبسكات
كنا زى الغرقانين
كان أملنا نبنى عيله
خطى فوق الموج يا حيله
بقلم .. طلعت عامر
ليست هناك تعليقات:
إرسال تعليق