بحر الهوى
بحر الهوى غادر
غدره ماليه أخر
غرّقنا للأخر
وما طولنا ف الاخر
أبسط أمانينا
بحر الهوى سادِد
سكتنا للأحباب
وف جذرنا مادد
وف مدنا قلاب
طعم الحنين دقناه
سيل البكا المالح
وهنشكى بس لمين
وش الندم كالح
بحر الهوى والله
ياناس مغلّبنا
والغلب دوامه
يبقي الهوي عله
عوارضها ف قلوبنا
زايده بوجع ياما
منال السويفى
أخبريني
بالله عليكِ
كيف لا أغرقْ
ببحر عينكِ
مع أني سباحٌ
ماهرٌ فقد أغرقنيِ
شوقي إليكِ
عندما أراها
أرى فيها
بحر تجتاحهُ
الأعاصير
هائجٌ
مائجٌ
ليس له مثيل
وفي نفس اللحظة
أرى بحراً
يحرك أمواجهُ
النسيم العليل
إحترت كثيرا
كيف أُنقذ نفسي
منه مع أني
أود أن أكون
فيه قتيل
وآه ثم آه آه
لو حظيت
بلمسه يديكِ
أشعر بأني
قد انهيت حسابي
ودخلتُ جنتي...
وأنتِ
حوري العين
كلهم قد
تجمعوا فيكِ
وأصبحتِ
وحدكِ معشوقتي
أخبريني
كيف الهروب
منكِ من حبكِ
إن كان طريق
الهروب الوحيد
يوصلني اليكِ
ماذا فعلتِ
بي ولمَ
أصبحتِ
مليكتي
وأميرتي
وحبيبتي
وصرتِ مني
وأصبح قلبي
يرقص تحت
قدميكِ
استحلفكِ
بالله أن لا
تتركيني
في حيرتي
أكثر من هذا
ودعيني أُفارقكِ
وأترك قلبي
أمانةٌ لديكِ
علي يوسف ابو بيجاد.
في الجنوب
الطينه حره
ترمي الحبوب
تطرح رجال
والجنوب يعني الصعيد
ميخلفوش ابدا عيال
من صغرهم
مغروسه فيهم
الجدعنه
وشيم الرجال
والرجوله عندهم
يقفوا جنب اي حد
ويضحوا حتي بدمهم
لو حتي فيها الدم سال
الجنوب اهل الصعيد
اهل الكرم والجمال
قلبهم فعلا حديد
ميخلفوش ابدا عيال
لما شافوا قطر انقلب
كلهم راحوا اوام
واتبرعوا بدمهم
الصعيد ارض الرجال
من كل قلبي بقلكوا
مولودين اصلا ابطال
تسلم البطن اللي شالت
واللي جابت ناس تمام
يسلم الاب اللي ربا
ع الاصول والاحترام
الف شكر لكل فرد
فرد فرد
اللي عنده دين وعرض
اللي ساعه الجد جد
واقف بقلبه مش كلام
الف شكر لاهل الصعيد
طاهر الشيخ
لحظة أحتضار
لحظه أحتضار اليقين
ف عمر عدى ع السنين
فاق لساني
واترسمت عليه الحروف
كان جواها خوف
لتضيع وتموت وتختفي
جوه جوف الحنين
ولحظة أحتضار الدمع
شق حجر الصمت
ولقيتني اتكلمت
حكيت إزاى اتظلمت
وم العشق أتكسرت
كتبت قصتي وأتسجلت
قلت قد إية حياتي
أتحملت وف عز الألم
ببسمه كدابه أتجملت
وف النهايه
وف لحظه الأحتضار
لمصيرها أستسلمت
يا مجبل يوم وليله
عشمان ترجع مبسوط
يا مسافر سكه طويله
ورايح بلدك اسيوط
ومحوش من زوادك
علشان ترجع لولادك
رافع راسك مجبور
يا مجبل يوم وليله
راجع علشان تموت
واللي بيعد ايامه
اليوم وري منه اليوم
علشان ينزله اجازه
ويرجع علي اسيوط
ومجبل يوم وليله
اتاريه مجبل للموت
يا مجبل يوم وليله
عشمان ترجع مبسوط
يا مسافر سكه طويله
ورايح علي اسيوط
واللي فايت بلاده
علشان لقمه العيش
ومحوش كام جنيه
علشان يكمل دينه
ويتجوز بنت تصونه
ويفرح اهله وناسه
اتاريه راجع للموت
يا مجبل يوم وليله
عدي السكه الطويله
واللي مسافره.لخواتها
وعيلها اتنين جدعان
رايحه تسلم عليهم
علشان داخله رمضان
اتريها سابقها الموات
ملعون قطر اسيوط
دا مجبل ولا مفارق
ولا جايب وياه الموت
