ده أنتى
ما تقفيش قدام مرايا
و تحطى مكياج ما كده كفايه
دى ريشة ربنا
رسمت ليكى عيون مكحله
و لا طبع الحسن
على الدقن ألأبيض
و ده بقى جماله مشكله
و ياريت ما كان
قلبى ما حبك من زمان
و لا كتب علينا الزمن قصة حبنا
لما عيونى
عشقت قوام غزلان
على غصن البان
ده مش محتاج
لزواق علشان يبان
ده هو كده خطف
عقلى منى طار
و القلب سهرلك
طول الليل ما نام
ده حتى كان
طيفك سهران
أهو و يايا
ده أنتى
ما تقفيش قدام مريا
و تحطى مكياج
ما اللى أنا شايفه كده كفايه
ده فى مشيتك
الشعر على خطوتك
لحد وسطك بيهفهف
و ألأوصه ألأصه
على الجبين بترقص
و حاطه فى رجلك كمان خلخال
عايزه تقولى يعنى
أنه مافيش على ألأرض زيي
و أن كان فيه
ح أبقى أنا مش شيفاه
و أجى أقرب منك
علشان أقولك كلام يسرك
تقوم رموشك تصيبني فى مقتل
و لا النغذتين اللى على خدودك
فى وشك ده من
أقل ضحكه منك ينور
و يبانو عليكى
و لا كأنهم هلالين
ده الشهر منهم كله روح
فى هله منك و الله
ده أنتى
ما تقفيش قدام مرايا
و تحطى مكياج
صاحبونى فى الليالى
و كله على اللى جواه منك غنى
و أمشيلك أنا المشوار
و أقفلك طول الليل تحت الشباك
أغنى الموال
علشان تردى بيه عليا
ألأقى الصبح لاح عليا
فى ثانيه منك على طله
و أنتى زى القمر
بينور أى ليل ضلمه
.
و واقفه من وراء الشباك
بترميلى فى السلام
بطرف الطرحه
و بمنديلك اللى
مرسوم عليه قلوب تايه
و فيه كمان سهام راشقه
و بتقوليلى يلا روح روح
و عايزانى أنا أروح
علشان أه
علشان أحلم
أن بكره فى بينا ميعاد
و أوعى عنى تتأخر
و أياك تسهر ويا القمر
اللى شبهى و تنسي
طب تفتكرى يعنى
بقى فى ده الميعاد
من حسنك أنا ح أستكفا
ده أنتى
ما تقفيش قدام مريا
و تحطى مكياج
ما اللى أنا شايفه كده كفايه
ما تيجى يا بنت الناس
نحب بقى و نرتاح
لحسن ده الوجدان
و المشاعر و ألأحساس
من حسنك خلاص تاه
خلينا بقى نغزى عيون حساد
و تحسي بهوايا
و النار اللى أيده
فى القلب جوايا
مش كفايه كده دلال
و تبينيلى منك بقى
الحب و ألأحساس
و لا أنتى كده بقي
تبقى رافضه هوايا
و لا هو تقل بنات و خلاص
و أنك دايبه فى حبي
و شوقك ليا
أنتى عنى مخبايا
ده أنتى
ما تقفيش قدام مريا
و تحطى مكياج
ما اللى أنا شايفه كده كفايه
و نمشى كده جنب بعض
سمرة لونى و بياض لونك
ح يبانو على أنهم
يوم من ألأيام
فا يحسو بيه الناس
أنه عدى عليهم قوام
و ح يتمنو أنه.
تكون كده كل ألأيام
و يشفونا كل دقيقه
علشان يبقو زينا عشاق
يعيشو فى حب و هنا
و يقولو طب ياريت
يبقو كده كل ألأحباب
و المحبين ياخدونا ليهم مثل
و يوصفونا للعاشقين دوا
و يكتبو أسامينا
فى قصة حب فى أساطير
سجلت قصص عاشقين
قبلينا أتبخرت فى الهوا
و أبقى أنا فيها عاشق و لهان
داب منك فى الهوا
و قلبى من كتر السهد و الضنى
و اللهى أنكوى
.
و مش لقيله غير عذابه
فى نهاره و ليله
و غير حبك دوا
ها قولتى أيه ح نحبو سوا
ده أنتى
ما تقفيش قدام مرايا
و تحطى مكياج ما كده كفايه
دى ريشة ربنا
رسمت ليكى عيون مكحله
و لا طبع الحسن
على الدقن ألأبيض
و ده بقى جماله مشكله
و ياريت ما كان
قلبى ما حبك من زمان
و لا كتب عليا الزمن قصة حبنا
و دى كانت قصتى و ياكى
و القلب معاكى
و قولت فيها أنا
الحب لذيذ و شهد و عسل
ده أنتى
ما تقفيش قدام مرايا
و تحطى مكياج ما كده كفايه
دى ريشة ربنا
رسمت ليكى عيون مكحله
أه و الله
الشاعر السكندرى / على الطاووس
